ПРАВОСЛАВНИОТ СТАВ ЗА РЕЛИГИОЗНАТА ТОЛЕРАНТНОСТ
Денес сме сведоци на еден уникатен феномен: никогаш во историјата на човештвото, односите меѓу различните религии и деноминации не биле подобри и потолерантни, отколку што се денес. Но, и покрај тоа, омразата, војните и насилството меѓу луѓето не намалуваат. Црквата и религиите веќе не го одредуваат општествениот живот и немаат одлучувачко значење за суштествувањето на нашиот современик. Црквата е одделена од државата. Нејзината улога е исклучена од партиските лидери, индустријалците и мас-медиумите.
Сепак, факт е дека меѓународните договори, кои ги регулираат правата на човекот (Меѓународната карта за правата на човекот, член 18; Меѓународниот пакт за граѓански и политички права, член 20), го гарантираат правото на јавна и лична вера, која не треба и не смее да поттикнува кон дискриминација и насилство. Истовремено, пак, сведоци сме дека, онаму, каде што се толерира секоја вера и каде што сè е дозволено, таму се случува и најголемата нетолерантност.
Според тоа, постојат неколку причини Православната Црква да е резервирана кон сфаќањето на терминот „религиозна толерантност“. Честопати, религиозната толерантност се јавува под маската на религиозното безразличие, студенило и рамнодушност. За некои „богослови“ религиозната толерантност се сведува до нивото на Continue reading